MARSEJLO-2013
Soneto pri festa Marsejlo
Marsejlo invitis nin feste
pro la kultura ĉefurbeco
de Eŭropo kaj danĝereco
gazeta ne agis moleste
mastrino kun gastema rido
transdonis nin hejman ŝlosilon
neniu ĝenis idilion
suspira restis mara vido
vespere sirenoj kaj krioj
kun prezidento ĉe haveno
proklamis rajton pri varioj
ĝis nun venis kaŭzoj por ĝojo
kaj neniu spuro por ĝeno
de avara media bojo
Marsejlo, la 12an de januaro 2013
Soneto kun libromenuo
sur trotuaroj restas plumoj
disĵetitaj de fest-anĝelo
kiu nun vokas de ĉielo
demandante pri sociumoj
anstataŭ trovi kompromisojn
falsa demokratio sidas
kaj mondajn sociojn dividas
sen eta provo fidi svisojn
en LES ARCENAULX ni manĝas
je ege bongustaj menuoj
inter libroj kiuj nin tanĝas
malgraŭ pluvego ni promenas
por ke ne ekestu vakuo
senaga kiu ofte ĝenas
Marsejlo, la 13an de januaro 2013
Soneto pri suno kun vento
alvenis suno kun mistralo
kaj ni devis aĉeti ion
por ŝarĝi nian komputilon
trovi ĝin ne estis banalo
ĉiuj homoj estis helpemaj
sed en vendejoj mankis kabloj
por svisaj komputilaj stabloj
bagateloj restis problemaj
nun komputilo jam funkcias
mi povas skribi pri eventoj
kun tio pri kio mi scias
ni fartas en Marsejlo bone
kun ege simpatiaj sentoj
kaj eŭropa kulturo krone
Marsejlo, la 14an de januaro 2013
» Marsejlo - la ĉefurbo de eŭropa kulturo 2013 fenestre
Soneto influa de vento
aŭskulti venton kiu hurlas
ne apartenas al ĝojeco
sed oni fartas je freŝeco
kun scio ke vivo sin kurlas
kiam mi navigis sur maroj
vento estis por mi utila
kaj senventeco eĉ enfila
ćar veloj pafis kun jaĥtknaroj
en esperanta himno vento
plenumas pozitivan rolon
sed ne sufiĉas venta sento
malantaŭ fenestro haveno
en kiu mi iam frivolon
travivis dum estis sereno
Marsejlo, la 15an de januaro 2013
Soneto pri haven-etoso
en malnovhavena kvartalo
de Marsejlo sur ĉiu strato
disiĝas kultura formato
arsenalo je idealo
kelkaj teatroj kaj opero
librovendejoj kaj salonoj
kun intelektulaj imponoj
ne ĉielo sed ne infero
etoso por velnavigisto
kaj pro internacia sento
tre taŭga por esperantisto
Esperanto en porta urbo
blovis iam laŭ himna vento
sed nun troviĝas en perturbo
Marsejlo, la 16an de januaro 2013
Soneto post brilo ombroza
post multaj tre agrablaj spertoj
alvenis ĉarmo de febleco
pro manko en ĉiutageco
je ordigado de ofertoj
ŝtuparo al malnovhaveno
gvidanta restas tre malpura
eĉ se ĝi aspektas kultura
kiel marsejla entrepreno
opero ankoraŭ fermita
oni ne scias kiel longe
(laŭ policisto demandita)
ni havas urbvojaĝbiletojn
aranĝitaj iom diftonge
oni devas kaŝi diskretojn
Marsejlo, la 17an de januaro 2013
Soneto vana sed kun larmo
ofte diras sento emana
ke mi skribas por skribi ion
finfine skribante nenion
tiam skribado restas vana
ĉe la bordo malnovhavena
balanciĝas boato vela
sed ĝia restado malcela
okazas parte abomena
ĉu estas jaĥt' de Nikodemo
Jasiński? - mi skribas la nomon
kaj ekscias pri lia morto
interretinforma ekstremo
mi vidas amikan fantomon
kun larmo mi pensas pri sorto
Marsejlo, la 18an de januaro 2013
» Marsejlo - la ĉefurbo de eŭropa kulturo 2013 fenestre kaj promene
Soneto pri kulturneglekto
mi iam estis jam ĉi tie
sed tiam grava estis maro
ne haveno kun multŝiparo
kulturon mi taksis alie
diacritique - diakritsignoj
atestigas pri identecoj
laŭ diverslingvaj naciecoj
kaj ligiĝas forte kun dignoj
"Lodz Kaliska" sed ne "Łódź" pole
noto en marsejla gazeto
manko de kulturo - petole
ĝis nun mi ne vidis francnomon
skribitan sen signepoleto
neglekteco inspiras vomon
Marsejlo, la 19an de januaro 2013
» Marsejlo - la ĉefurbo de eŭropa kulturo 2013 folklore
Soneto pri provencsanktuloj
teretaĝe de nia domo
disvastiĝas musée du santon
rekta traduko venas sen bon'
je vera sanktula sindromo
ni nomu ilin sanktulumoj
ĉar ili ne estas sanktecaj
devene revoluciecaj
kun tute laikaj vakumoj
preĝejoj estis detruitaj
do oni devis hejme preĝi
al formoj el pano lepitaj
en kaŝe konstruitaj kripoj
folklorvestaĵoj povis reĝi
ekestis tiel provenctipoj
Marsejlo, la 20an de januaro 2013
» Marsejlo - la ĉefurbo de eŭropa kulturo 2013
vida ne elirante de la loĝejo dum la tuta tago
Soneto pri varma loĝejo
sur fotoj ne aspektas tiel
uze kiel en realeco
loĝejo - vera agrableco
nur en Marsejlo krom neniel
kiam mi promenas tra l' urbo
admirante kazon post kazo
mi revas pri loĝej-oazo
ĉar kaoso estas perturbo
ĉi tie mi fartas bonege
en tiu iam unu halo
dividita poste belege
ĉio komune - kuirejo
arkitektura idealo
salono dormejo banejo
Marsejlo, la 21an de januaro 2013
Soneto je ekzekutdatoj*
"libera kiel birdo" - frazo
ne eldonas la tutan veron
ĉar kaŝas liberan oferon
flugon al morto kun emfazo
mi konas stultulojn titolajn
sed imponas min modestuloj
kun simplaj do saĝaj moduloj
kiuj haltas murdojn frivolajn
devigado de grupa volo
finiĝas ofte per teruro
kaj kun sadisma aŭreolo
Ghandi kaj Solidarność montris
kiel socio per kulturo
ŝanĝis sistemojn kiuj hontis
Marsejlo, la 22an de januaro 2013
*La 21an de januaro antaŭ 220 jaroj estis ekzekutita per gilotino reĝo de Francio Ludoviko la XVI-a kaj antaŭ 150 jaroj la 22an de januaro ekflamiĝis Januara Insurekcio en Pollando
Soneto pri grandaj sanktejoj
preĝejoj de malproksimeco
aspektas kiel naskaj tortoj
impone - kun aliaj vortoj
troiĝas ilia grandeco
interne ili estas sombraj
eĉ se parte originalaj
kun bildoj riĉaj aŭ banalaj
malbone penditaj multnombraj
stratoj placoj eĉ stacidomo
per sankteco estas baptitaj
regas sanktuluma sindromo
en Marsejlo kaj en Provenco
sanktulumoj estas dungitaj
por sukcesoj en konsekvenco
Marsejlo, la 23an de januaro 2013
» Marsejlo - la ĉefurbo de eŭropa kulturo 2013 sanktece
Soneto ĉe fama ŝtuparo
soneto fiksiĝis en menso
kaj tute ne volas foriri
ne timas - ĉiam volas miri
kontraŭon traktas sen kompenso
mi skribis jam iam romanon
dum unu tago kun vidintoj
kiuj drinkis je nazaj pintoj
observante mian skribmanon
mi tute ne emas konkuri
kontraŭ fantaziaj verkistoj
sed marsejlan ŝtuparon spuri
en la grandega sonetkvanto
kun malicaj kreoinsistoj
estas loko por Esperanto
Marsejlo, la 24an de januaro 2013
» Marsejlo - la ĉefurbo de eŭropa kulturo 2013 je la fama ŝtuparo
Soneto mem sed por aliaj
homo povas mem organizi
por si mem ĉiutagan vivon
kaj por aliaj helpi drivon
se iu volas sin malkrizi
ne nur en Marsejlo sed ĉie
oni zorgas pri mastrumeco
kun senteca solidareco
ofice ofte iluzie
laboro organfundamenta
konata jam en historio
estas komune elementa
pro tio ŝtata centralismo
damaĝas malgraŭ eŭforio
municipoj - jen socisismo
Marsejlo, la 25an de januaro 2013
Soneto iom ekskrementa
Marsejlo estas dekorita
per hundaj fekoj ĉiuloke
slaloma promeno tre moke
devas esti ekvilibrita
kultura programo dekretis
ke fekfosado igas kriĉon
sed ankaŭ aŭguras feliĉon
mi ĝin ankoraŭ ne surtretis
interesa estas afero
ke hundoj ne estas videblaj
nur iliaj fekoj sur tero
ĉefurbeco ne ruiniĝas
artaj temoj ne estas feblaj
reciproke - ili fortiĝas
Marsejlo, la 26an de januaro 2013
Soneto kun hundmonumento
mi havis iam hundon viglan
por civitanaj milicistoj
estis hanto de ekzorcistoj
satano montris povon striglan
komisareja komandanto
siajn milicaglojn ordonis
alie ol mi lin proponis
ludi kun hundkomedianto
en Marsejlo la rememoro
alvenis pro la hundaj spuroj
sur trotuara kulturmoro
por Yeti hundomonumento
staros ĉe varsoviaj muroj
pro manko de hundekskremento
Marsejlo, la 26an de januaro 2013
Soneto skribita tagmanĝe
Dio tagmanĝas en Francio
en Marsejlo en "Les Acenaulx"
tie oni ne kuiras tro
multe sed ĝuste laŭ nacio
ni manĝas hejme teretaĝe
kun tri menuoj por elekto
"L'Abbaye" kuiras laŭ efekto
tre bonguste kaj avantaĝe
restoracioj jen montritaj
troviĝas inter multaj bonaj
ne ĉiuj estas tamen konaj
inter libroj manĝi pli gustas
kaj bonan etoson inkrustas
eĉ mensoj restas riĉigitaj
Marsejlo, la 26an de januaro 2013
Soneto je marsejla vido
antaŭ fenestro mi rigardas
jaĥtojn preĝejojn ĉe ŝtuparo
imagnavigante trans maro
sur mapo kiu fingrojn hardas
antaŭe mi certe ne sidis
ĉi tie eĉ dum momenteto
mi navigis sen interreto
kaj vojon per sekstanto vidis
nun mia tempo riverencas
eĉ se ne ĉio jam finiĝis
miaj eblecoj malfrekvencas
do mi povas skribi pri tio
kio sukcese realiĝis
antaŭ ol okazos nenio
Marsejlo, la 27an de januaro 2013
Soneto pri ne nur polecoj
postmilite homoj miksiĝis
regis lingvo literatura
por proletoj kiel natura
homoj dialekte eksiĝis
naciunueco fortiĝis
pereis analfabetismo
ne trovis grundon sovetismo
ĉar socio oportuniĝis
post falo de socialismo
civitanecoj dividiĝis
pro avida kapitalismo
kverelas "veraj" patriotoj
iliaj paroloj stultiĝis
preskaŭ kiel de idiotoj
Marsejlo, la 27an de januaro 2013
Soneto pri cirko reala
marsejla cirka festivalo
daŭras ĉiutage vespere
ĉe Nacia Teatro tere
okazas vigla klaŭna balo
socio estas tre miksita
oni aŭdas diversajn lingvojn
oni legas multlingvajn librojn
ofte homo fartas perdita
"je ne parle pas français" mi diras
kiam mi ricevas demandon
pri kiu mi tute ne miras
ĉi tiu internacieco
montras la ĉiutagan fandon
de la marsejla realeco
Marsejlo, la 27an de januaro 2013
» Marsejlo - la ĉefurbo de eŭropa kulturo 2013 ĝojece
Soneto pri hejma restado
denove trapasis mi tagon
ne forirante de la domo
maluze de punkto kaj komo
mi skribe ekzercis imagon
vidindaĵo rekte la sama
turoj de preĝejoj kun suno
bastionaj muroj sen puno
sur maro mistralo ĉiama
la loĝejo estas komforta
krom tio por farti pli bone
helpas komputilo raporta
eĉ se mi restas izolita
menso volas agi ekkone
pri la mondo maltrankvilita
Marsejlo, la 28an de januaro 2013
» Marsejlo - la ĉefurbo de eŭropa kulturo 2013 hejme
Soneto ŝtorma sub kranio
"Mizeruloj" de Victor Hugo
en marsejla teatro ŝokis
publikon kaj sentojn vokis
ankaŭ per muzikala fugo
"Tempête sous un crâne" - la titolo
"Ŝtormo sub kranio" - traduko
frapo al punto por eduko
malgraŭ tragedio petolo
nun sorto aspektas alie
socioj forigas mizeron
eĉ se ne estas idilie
pro tio oni povas ludi
per muziko kovrante veron
oni devas problemon studi
Marsejlo, la 29an de januaro 2013
Soneto SINJORO TADEO
rue Roger Brun 113 - jen france
marsejla adreso por poloj
ankaŭ por francoj kun petoloj
aŭ kun sombraj gustoj nuance
Agnieszka Grala en vendejo
nur kun polaj specialaĵoj
kun acidaĵoj kaj dolĉaĵoj
estas bongusta trezorejo
"Pan Tadeusz" - mi tuj aĉetas
ne estas la libro konata
sed vodko "Sinjoro Tadeo"
ne por drinki - zorgu - mi petas
nur por kuirado ŝatata
enhave mi miras pri kreo
Marsejlo, la 30an de januaro 2013
Soneto pri kunĵuranlando
mi kiel amiko de Dio
benata per dia humuro
pro inklino al aventuro
loĝas libere en Svisio
tie rekta demokratio
garantias por civitanoj
ke ili kiel kunĵuranoj
tuj povas decidi pri ĉio
kio okazas en la lando
dependas de la opinio
laŭ referenduma demando
diferencojn mi povas senti
per alilanda ironio
kaj pro ĝia sombro lamenti
Marsejlo, la 31an de januaro 2013
Soneto kun malpuriganto
per la aŭtobuso "okdek tri"
ni veturis tien kaj reen
kaj ekestis tre longa promen'
eĉ kun laŭda pri Marsejlo kri'
poste en hejmo mi ekvidis
iu disĵetis balaaĵojn
mi laŭte donis kontraŭaĵojn
sed la ĉifonisto insidis
baldaŭ venis kroma persono
kiu rigardis la fenestron
telefono post telefono
mi sentas min tute ofere
imagante mafian estron
kiu min pritraktas danĝere
Marsejlo, la 31an de januaro 2013
» Marsejlo - la ĉefurbo de eŭropa kulturo 2013
kun danĝera situacio
Soneto profita tagmanĝe
evitas neglektojn profite
la dudek unua jarcento
odoras per la ekskremento
pro ideologioj spite
de tute diversaj vidpunktoj
eliras tiu fenomeno
eĉ sendepende de tereno
cerbumas pri tio adjunktoj
manĝo en LES ARCENAULX gustas
libroj mildigas apetiton
modereco menue rustas
malsane agas manĝegemo
se elvokas prestidigiton
alvenas psikoza problemo
Marsejlo, la 1an de februaro 2013
Soneto fine de Kristnasko
en Marsejlo tempo kristnaska
finiĝas per fest' procesia
okaze de Kandel-Maria
baldaŭ venos la rito paska
frue je la kvina matene
amaso kun verdaj kandeloj
aspektas kiel en fabeloj
iras manĝi ŝipkukojn bene
kiujn benas mem episkopo
en la plej maljuna bakeje
apud Viktoro - filantropo
al kiu bastion-preĝejo
laŭdas ĉar al loko havena
venis Maria Magdalena
Marsejlo, la 2an de februaro 2013
» Marsejlo - la ĉefurbo de eŭropa kulturo 2013
kun la kandela procesio
Soneto pri perdita memo
legante gazetojn mi sentas
ke en Marsejlo mi perdiĝis
mia vivo splene stagniĝis
sed mi ankoraŭ ne lamentas
okazas manifestacioj
en kiuj mi ne partoprenas
ĉar mi el Svisio devenas
kun tute aliaj nocioj
"kalaŝnikov'" estis uzata
kaj avertas min indiĝenoj
"atentu - sorto estas fata"
ĝis nun mankas al mi koncertoj
daŭras mistralaj kantilenoj
vetero zorgas pri ofertoj
Marsejlo, la 3an de februaro 2013
Soneto por Bronko-nasktago
se ne ĉiuj interesiĝas
entute pri l' temo "nasktago"
tiam riĉiganta imago
malinterese disvolviĝas
Bronko Akcipitra (traduke)
mia kamarado juneca
okazis poeme apreca
kiel instruisto eduke
niaj vojoj iam disiĝis
li loĝas en eta vilaĝo
kaj estas malsana je aĝo
do estu sana mia kuzo
sen doloro kaj sen obtuzo
en Marsejlo vi renaskiĝis
Marsejlo, la 4an de februaro 2013
Soneto por Bronko-nasktago
se ne ĉiuj interesiĝas
entute pri l' temo "nasktago"
tiam riĉiganta imago
malinterese disvolviĝas
Bronko Akcipitra (traduke)
mia kamarado juneca
okazis poeme apreca
kiel instruisto eduke
niaj vojoj iam disiĝis
li loĝas en eta vilaĝo
kaj estas malsana je aĝo
do estu sana mia kuzo
sen doloro kaj sen obtuzo
en Marsejlo vi renaskiĝis
Marsejlo, la 4an de februaro 2013
Soneto pri milda libero
esti tute liberigita
de devigoj de atentado
de intereso pri ŝanĝado
de persona stato civita
en Berlin mi estis libera
sed mi ĉiam ion atendis
ĉar mi profite arton vendis
ekscite mi restis kolera
en Marsejlo mi vidas maron
tre maltrankvilan pro mistralo
sentante havenan remparon
restante nun ekster la mondo
mi zorgas nur pri la portalo
por granda internaŭta rondo
Marsejlo, la 5an de februaro 2013
Soneto pri surpriza kazo
en la gazeto artikolo
kun foto de l' granda skulpturo
"Davido" - antika futuro
impreso - miro kun petolo
ankaŭ rimarka fenomeno
ke mi rigardas la artaĵon
menso registras travivaĵon
nur pri arto ne pri deveno
post kelkaj tagoj mi eksciis
pri la nomo de skulptistino
ankaŭ ke ŝi estas polino
Dominika Griesgraber faras
belajn skulptaĵojn kiuj staras
tie kie mi emociis
Marsejlo, la 5an de februaro 2013
Soneto pri tagtagaj temoj
je l' sepa matene suĉiloj
purigis marsejlan ŝtuparon
dum ili forigis koŝmaron
tuj komenciĝis vodeviloj
katolikaj lernejoj havis
en la preĝejo Sankt-Viktoro
renkonton je mesa faktoro
tiu kazo junulojn ravis
en LES ARCENAULX la tagmanĝo
kiel ĉiam estis bongusta
florbrasikuma kaj langusta
Barbara iris al teatro
kuractemo por psikiatro
ne por mi ĉi tiu aranĝo
Marsejlo, la 5an de februaro 2013
» Marsejlo - la ĉefurbo de eŭropa kulturo 2013
kun la kelktaga tagtageco
Soneto kun similaj verkoj
enuo prenas pozitivojn
en "Arte" portreto pentrista
Peter Dreher verke persista
pentras nur la samajn motivojn
mi trovis la analogion
al miaj fotitaj objektoj
kun similaj sente efektoj
aŭdante "li havas fobion"
la obstina amo al turoj
kiujn mi fotas ĉiutage
devenas de vivaj bravuroj
enhavo de antikvaj muroj
provokas laŭ formo image
al interesaj aventuroj
Marsejlo, la 6an de februaro 2013
Soneto de maro al maro
de tempo al tempo mi sendas
al amikoj poŝtkartojn - tie
la vivo kuras tradicie
eĉ se de tio ne dependas
inter multaj adresoj Rita
Grochocińska - profesorino
de Gdansko - la konatulino
pro la domo de ŝi luita
ŝi sendis por ni kristnaskkartojn
persono tragika pro amo
al morta edzo - vera dramo
mi pruvas rete verkajn partojn
inter Marsejlo kaj Sopoto
ne estos ligo pro komploto
Marsejlo, la 7an de februaro 2013
Soneto kun Tadeusz Kantor
al libro "...por kompreni polojn"
mi volis intervjui iun
kaj mi intervjuis neniun
ĉar li obeis diajn volojn
akompanis min du germanoj
Olav Münzberg kaj Wilfried Bonsack
bald mankis aero en torak'
pro mortkomunikaj rikanoj
veni al fiksita renkonto
kaj trovi nigran nekrologon
sur la domo estas konfronto
plie ol simpla disreviĝo
"Morta klaso" ricevis togon
por sanktulo Kantor prestiĝo
Marsejlo, la 8an de februaro 2013
Soneto pri marsejla arto
rigardante marsejlan arton
en muzeoj kaj galerioj
zorgu ne nur pri teorioj
sed flegu vian bonan farton
Marsejlo estas interesa
grandega centro por artistoj
bedaŭrinde esperantistoj
agadas laŭ formo regresa
en la telefonlibro mankas
en interreto antaŭ jaroj
por tiuj informoj mi dankas
senesperante mi revenu
al artistaj repertuaroj
kaj france pli bone komprenu
Marsejlo, la 9an de februaro 2013
Soneto pri murda idolo
antaŭ sepdek jaroj sotnio
de UPoA - feroĉaj hundoj
komencis agadon pri murdoj
amasaj al pola etnio
laŭ metodoj tiel teruraj
ke nenie antaŭ konataj
mortigi per hakiloj bataj
scipovis murdintoj obskuraj
oni tranĉis langon unue
por ke homo ne povus diri
al Dio veron pri banditoj
Stepan Bandera - la detrua
idolo - nun volas suspiri
pri li ukrainaj elitoj
Marsejlo, la 9an de februaro 2013
» Ukraina bandito Stepan Bandera estas laŭdata en Ukrainio per nomoj de stratoj kaj monumentoj
Soneto denove mistrala
en Marsejlo mi loĝas cele
penetri provencan kulturon
ankaŭ travivi aventuron
ĝis nun nur vento blovas bele
aliajn aferojn mi trovas
hazarde sen iu informo
por komuniko mankas normo
eventojn mi plani ne povas
ekzisto de kazo al kazo
en la konstanta hazardeco
inspiras de frazo al frazo
de "Sinjoro Tadeo" fazo
venas la krea kuraĝeco
kiu trairas al ekstazo
Marsejlo, la 10an de februaro 2013
Soneto roze multkultura
neniu marsejlano povas
diri ke li estas denaska
genealogio fiaska
konstantan migradon forŝovas
jam la dua generacio
havas problemojn pri deveno
sed ĉe iu ajn entrepreno
ne estas grava tradicio
de grekaj tempoj ĝis hodiaŭ
en Marsejlo ofte ŝanĝiĝis
preskaŭ la tuta loĝantaro
multkultura repertuaro
je roza lundo progresiĝas
kaj ĝin katoj konfirmas per "miaŭ'"
Marsejlo, la 11an de februaro 2013
Soneto por karnavalfino
Venecio karnavaliĝas
Marsejlo restas en trankvilo
ne per balo sed per babilo
karnavala tempo finiĝas
ni klaĉis ke al Venecio
venos ni fine de aŭgusto
Regata Storica - afusto
sur Biennale laŭ tradicio
nun mi sentas ke pri nenio
mi skribas laŭ frua premiso
iom arto iom manio
doni mizeron por riĉuloj
jen ideala kompromiso
ne preni saĝon de stultuloj
Marsejlo, la 12an de februaro 2013
Soneto por cindra merkredo
strange ke en la roza lundo
kaj ne en la cindra merkredo
la papo informis sen pledo
pri sia rezigno kun grundo
mi skribis pri li ĉe komenco
de lia servo - nun mi skribas
ke li sin turmentojn prohibas
publike kun ĝusta intenco
memvole - ne dubu pri tio
ekestas tiamaniere
sensacia biografio
kun meritoj sur longa listo
kompromisema tre fiere
intelektulo kaj artisto
Marsejlo, la 13an de februaro 2013
Soneto festa pro dudeko
dudek jaroj estas tre multe
tamen ankoraŭ ne sufiĉas
melodia tempo kapriĉas
en nia paro ĉiam kulte
nun en "Les Acenaulx" okazas
la jubilea vespermanĝo
estas valentena aranĝo
inter libroj amo ekstazas
mi volis antaŭ dudek jaroj
reen veturi de Zuriko
sed haltis min ama fortiko
mi restis tute sen preparoj
detaloj bezonas diskreton
kompreneble ankaŭ sekreton
Marsejlo, la 14an de februaro 2013
» Marsejlo - la ĉefurbo de eŭropa kulturo 2013
tagtage valentena
Soneto pri grandaj muzeoj
ĝuste en ĉefurbo kultura
de Eŭropo la gravaj kreoj
rilatas al grandaj muzeoj
temo iama kaj futura
krom la valoroj historiaj
atentigas nin sen hezito
la ekspozicia kvalito
kun grandiozecoj variaj
en muzeo de poezio
juna gardisto sendecide
vendis nin du librojn avide
en la efekta finezio
Marsejlo kun sap-hocki-klocki*
fartas pli bone ol Zabłocki
Marsejlo, la 15an de februaro 2013
*la pola proverbo "wyszedł jak Zabłocki na mydle" - "eliris kiel Zabłocki sur sapo" - signifas alivirte "bankrotis"
Soneto kun fastrememoro
mi konis du polajn primasojn
aŭ ili kun mi konatiĝis
sed pro tio mi ne prestiĝis
havante etajn embarasojn
unu primaso min kritikis
malgraŭ ne estis mia ŝuldo
ĉar amiko zorgis pri muldo
kiu min en faston implikis
dummilite li heroiĝis
poste gvidis artajn bazarojn
tie mi vendis juvelarojn
tiam ni por ĉiam disiĝis
dum li elmigris al Svedio
mi tra Berlino al Svisio
Marsejlo, la 16an de februaro 2013
Soneto pri ekspono F1
Mediteraneon eksponi
ne estas facila afero
Marsejlo je ĉemara tero
decidis kulturon proponi
oni eldonis katalogon
kun alta artista nivelo
de kiu kultura koktelo
inspiras pezan dialogon
de fenic-tempo ĝis la nuna
io dividis io ligis
popolojn - sorto estis puna
tamen akvo agis rilate
per moroj ĉebordaj instigis
markomunecon sentraktate
Marsejlo, la 16an de februaro 2013
» Marsejlo - la ĉefurbo de eŭropa kulturo 2013
je la ekspozicio J1
Soneto proverbe utila
iam ofte mi aŭdis frazon
ke ĉiu havas siajn mondojn
akceptante nur tiujn rondojn
kiuj povas krei emfazon
ne iru tien kie fremda
etoso fariĝas envia
ne ŝovu nazon al ne via
rolo kiu estas ofenda
tiuj aŭ aliaj proverboj
estas ŝatataj oportune
precipe je trankvilaj cerboj
marsejla ŝtuparo nun brilas
vetero aspektas aŭtune
tamen per bonfarto utilas
Marsejlo, la 17an de februaro 2013
Soneto pri mevoj solene
mi skribis la soneton pole
sed esperante mankas senco
ĉar la konkluda konsekvenco
povas aspekti tro petole
"mewa" pole - genro femala
virina masklo sonas strange
tiel mi "mew" elpensis slange
esperante "mevo" normala
en Viktor-preĝejo orgene
koncertas Patrick Geel kaj mevoj
aŭdas lin streĉe kaj solene
marsejlaj mevoj flugas sole
zurikaj en grupoj kun nevoj
en ambaŭ medioj frivole
Marsejlo, la 18an de februaro 2013
Soneto pri manĝo en L'Estaque
pola lingvo kaj Esperanto
kun ili mi fartas tre bone
aliajn lingvojn malplikone
mi uzas nur kiel vaganto
artista loko nin instigas
sciante ke Sinjoro Dio
certe tagmanĝas en Francio
en L'Estaque ni tion certigas
mi ofte ripetas la frazojn
pri manĝo ĉar estas kulturo
kaj antaŭ ĉio aventuro
artistojn provokas emfazojn
kun Cézanne Macke Monticelli
Braque Renoir ni povas veli
Marsejlo, la 18an de februaro 2013
» Marsejlo - la ĉefurbo de eŭropa kulturo 2013
kun tagmanĝo en L'Estaque
Soneto pri kaŝo per lingvo
Esperanto pri si atestas
ke la lingvo mem disvolviĝas
sed poste ankaŭ ruiniĝas
se uzon sektismo molestas
"ne krokodilu" - sen efekto
agadas tute reciproke
kaj por komencantoj provoke
avertas pri paŝo al sekto
kun la lingvo mi fartas bone
ĉar ĝi estas internacia
mi kaŝiĝas en ĝi impone
Samuel Pepys skribis sekrete
lia taglibro aŭtarcia
malkovrita agas profete
Marsejlo, la 19an de februaro 2013
Soneto pri afabla moro
ni ĉie sentas afablecon
eble afableco sentas nin
ĉi tiu lando kondukas sin
per moro amanta helpecon
CAFE DE L'ABBAYE en la domo
en Les Goudes LA MARINE havena
ĉie sinteno indiĝena
agas kore "homo por homo"
ĉe la aŭtobusa stacio
haltis aŭto "bonvolu venu"
mastrino de restoracio
al Marsejlo ŝi nin transportis
"dankon profite entreprenu!"
mi tuj la komplezon kolportis
Marsejlo, la 19an de februaro 2013
» Marsejlo - la ĉefurbo de eŭropa kulturo 2013
kun ege afabla moro de gemarsejlanoj
Soneto kun sonetistiko
se iu skribas nur sonetojn
tiu nomiĝas sonetisto
sed la fako mankas sur listo
oni mencias nur poetojn
ŝajnas al mi - eble erare
ke mi estas sur l' mondo l' sola
sonetisto tute memvola
konstante kaj eĉ lapidare
se iu havas sonetdignon
mi ligus kun li tuj kontakton
mi petas - donu al mi signon
sonetistiko estas sfero
aŭ domeno portanta fakton
pri sonetesplormaniero
Marsejlo, la 20an de februaro 2013
Soneto pri Calanques-klifaro
la mediteraneaj fjordoj
Calanques - franca plurale
kalkaj montetoj vertikale
zumas per mistralaj akordoj
la detaloj pri travertino
en ĝustaj gvidlibroj troviĝas
mi precipe interesiĝas
pri travivaĵa determino
oni zorgu ekologie
pri tiu natura miraklo
kiu instigas min magie
perpiede atingu klifojn
permotore venas obstaklo
ne forgesu grimpajn signifojn
Marsejlo, la 20an de februaro 2013
» Marsejlo - la ĉefurbo de eŭropa kulturo 2013
kun ekologia zorgo pri Calanques - miraklo de naturo
Soneto por akvoprotekto
admiru akvoesplorantojn
oceanoj maroj riveroj
kaj lagoj decidas pri sferoj
kiuj subtenas vivdonantojn
Mediteraneo ĉirkaŭe
de Marsejlo aspektas pure
ankoraŭ pure sed future
ne povas aspekti kontraŭe
pro tio eŭropa kulturo
devas zorgi pri protektado
de riĉa marsejla naturo
memoru dum festaj bankedoj
ke ĉiam sana akvumado
utilas pluen ol uedoj
Marsejlo, la 21an de februaro 2013
Soneto prenita de sorto
por vivo estu interesa
mi volis esti proletulo
sed mi ekestis volontulo
pri kio? pri ĉio progresa
sed ne ĉio efektas bone
mana laboro min nobligis
mensa laboro solenigis
tamen ne sufiĉe impone
mi laboris en glasfandejo
ankaŭ en subtera minejo
kaj mi volus ankoraŭ plugi
anstataŭ kiel ĝis nun flugi
en Marsejlo mi konvinkiĝis
ke sorte mi jam maljuniĝis
Marsejlo, la 22an de februaro 2013
Soneto raspa pri Francio
mi montras politikan temon
Marine Le Pen francoj admiras
francan socion ŝi disŝiras
kreante eŭropan dilemon
post la trihora disputado
oni vidas ke ne enhavo
konvinkas sed raviĝa pravo
de forta mano je regado
tridek kvin procentoj da francoj
subtenas Marine Le Pen brave
kun patriotismaj nuancoj
sed nuntempa patriotismo
vokanta "vive la France" kartave
estas danĝera naciismo
Marsejlo, la 23an de februaro 2013
Soneto pri la ĝusta tempo
en ĝusta tempo ni ekloĝis
en Marsejlo - l' urbo ŝanĝiĝas
al simplaj homoj proksimiĝas
pro kalkulo sumoj ekbroĝis
sur bulvardoj nur perpiede
parte sub spegula tegmento
kun internacia prezento
hospitalo - hotelo cede
Palais du Pharo - kongrescentro
aspektas denove impone
Palaco de Faro - brulventro
pro falstraduko ĉar "lumturo"
anstataŭ "faro" - eĉ miskone
tamen ĝi lumas por futuro
Marsejlo, la 24an de februaro 2013
Soneto adiaŭas papon
papo Benedikt' la Deksesa
salutis pole portugale
kompreneble ankaŭ itale
lia lingvo estis forgesa
ĉu tiu lasta papa gesto
atestas pri liaj rilatoj
al frazoj pri diversaj papoj
komprenataj kiel molesto?
mi ripetas la opinion
ke papa rezigno praviĝas
en la mondo ŝanĝas nenion
multfoje estis "ESPERANTO"
videbla sed nun ne troviĝas
dum mesoj - ĉu laŭ vakuanto?
Marsejlo, la 24an de februaro 2013
Soneto pri gajnaj avertoj
mevoj per flugiloj ne svingas
kaj flugas kontraŭ aŭ kun vento
laŭ la simila movimento
veljaĥtoj la celojn atingas
pensante pri tio en lito
mi ekaŭdis timan kriadon
unue sentis mi sonĝadon
virinon atakis banditoj
disvastigu la informadon
ĉar rabaj kazoj ripetiĝas
averto eksludas savadon
oni devas krimulojn foti
tiam ili ankaŭ timiĝas
polico povas ilin noti
Marsejlo, la 25an de februaro 2013
Soneto zorganta pri sano
denove iom pri manĝado
bongusta koturno kun pizoj
entute sen grandaj kotizoj
tre ĝuste por malgrasiĝado
mankas manao de ĉielo
por sveltiguma kuracado
helpas restoracia grado
kun naturaĵoj kaj mielo
tiu ne estas nur sukero
laŭ multaj dietoferantoj
sed ankaŭ biopolimero
poste nepra estas promeno
dum kiu okazas dekantoj
la plej taŭge ĉirkaŭ haveno
Marsejlo, la 26an de februaro 2013
Soneto sen komunikado
mankas ligo kun interreto
tio estas neeltenebla
stato ĉar fluas tempo febla
kaj povo restas sen obĵeto
malgraŭ kelkaj retaj eblecoj
ĉiuj rompiĝis tuj subite
sen averto kaj diskredite
por internaŭtaj kolerecoj
paciĝu! - diras prudenteco
vi vivis iam sen anoncoj
kun tre simpla komunikeco
tiam perpieda soleco
devige zorgis pri prononcoj
por najbaroj per afableco
Marsejlo, la 27an de februaro 2013
Soneto de Urban-portalo
la papo Urbano la Kvina
venis de Sankt-Viktor-preĝejo
proksime de nia loĝejo
troviĝas lia pordo tina
mi mencias pri tio tiam
kiam nuna papo prestiĝas
ĉar li brave emeritiĝas
ĝis nun l' kazo estis neniam
apud sanktejo mi rimarkis
ke homoj en balaaĵaro
forĵetitajn manĝaĵojn sarkis
en la ĉefurbo de kulturo
miksiĝas mizera amaro
kun la papa emerituro
Marsejlo, la 28an de februaro 2013
» Marsejlo - la ĉefurbo de eŭropa kulturo 2013
kun ĉiutagecaj okazintaĵoj
Soneto por Bandita Tago
krimulo ne volis forlasi
prizonon - petis pri restado
en Marsejlo krimkamerado
volis lin per pistolo ĉasi
li tamen estis forĵetita
kaj kiel li supozis frue
lia kaŝo ne daŭris plue
ĉar li estis venĝe murdita
inter krimuloj reguligo
ne rilatas al ĉiuj homoj
sed nur al sociaj fantomoj
Polio festas sen hezitoj
Tago de Damnitaj Banditoj
laŭ patriotisma intrigo
Marsejlo, la 1an de marto 2013
Soneto kun marsejla speco
en Marsejlo bouillabaisse manĝi
apartenas al konvencio
preskaŭ ĉiu restoracio
scipovas fiŝan supon ranĝi
jes ranĝi eĉ kelkfoje ŝanĝi
diversajn fiŝojn laŭ kuiro
por ke venu fiksita miro
je gustumado ŝerce tanĝi
sekretojn havas dommastrino
kaj kuiristo kiuj scias
sed pri preparoj ne mencias
Le Cirque estas pro fiŝoj fama
krom tio loko panorama
tentas supren al Virgulino
Marsejlo, la 1an de marto 2013
Soneto malferma de l'ombrière
Chopin ne povus krei arton
sen Elsner - lia instruisto
el sortkazo venas artisto
plimulto ne atingas starton
inter starto kaj malsukceso
aperas tre gravaj dependoj
kiel propraj talentaj vendoj
transformiĝas al scenekscesoj
en Marsejlo brilas tegmento
ĝi montras inverson intime
en Eŭropo rara evento
Chopin ne povus tie ludi
lia ludo sonus pavime
Norwid pri tio volis studi
Marsejlo, la 1an de marto 2013
Soneto post polica veko
nur unu horon daŭris ludo
l'ombrière tradukante ombrumo
aŭ ombrumaĵo - malfermumo
fariĝis raraĵo por sudo
estas vere bela tegmento
spegulitaj homoj ne kredas
ke ili sur spegulo sledas
inverse - jen spita momento
por honorigi okazaĵon
ni promenis al "Les Acenaulx"
por gustumi bonan manĝaĵon
bouillabaisse - marsejla fiŝsupo
kiel ĉiam tro multe... tro...
memore pri matena hupo
Marsejlo, la 2an de marto 2013
» Marsejlo - la ĉefurbo de eŭropa kulturo 2013
kun l'ombrière-inaŭguro
Soneto pri perdita tempo
Charles Aznavour min kortuŝigis
per voĉo kiu jam rompiĝis
sed li tamen vigle moviĝis
dum forpasintojn memorigis
televida programo kante
pri kantoj de jam ne vivantaj
kaj en tradicio ŝatantaj
estis gvidata elegante
mi bedaŭras pro reenpaŝo
oni diris pri mi "kantisto"
ne demandante pri voĉkraŝo
tiama tempo jam perdiĝis
kantisto estas sonetisto
decido per vortoj riĉiĝis
Marsejlo, la 3an de marto 2013
» Marsejlo - la ĉefurbo de eŭropa kulturo 2013
ĉar ĈIU ESTAS ARTISTO
Soneto - 1956
en Marsejlo aktualiĝas
l' frazo "ĉiu estas artisto"
optimisto kaj pesimisto
en diversaj lokoj troviĝas
malgranda vilaĝo Księżyce
ĵus en Malsupra Silezio
faris grundon por tiu scio
antaŭ multaj jaroj notice
la libron tiam eldonitan
iu ŝtelis sed mi ripetis
la tezon en Berlin' germane
tiu vero sonas profane
artisto mizere vegetis
verkante arton inspiritan
Marsejlo, la 4an de marto 2013
» Inter miaj libroj sur la dua kovrilpaĝo skribitaj versoj: "ĉiu estas artisto - sed ne ĉio estas arto - ĉio estas poezio - sed nur malmultaj estas poetoj"
» Marsejlo - la ĉefurbo de eŭropa kulturo 2013
kun printempaj logoj
Soneto teda sed malkreda
oni starigis liceanon
ĉe l' funebra Stalin-portreto
sed juna emo al rideto
faris malintencan profanon
li forlasis groteskan lokon
pedagogia kolektivo
decidis pri lia derivo
ĝis nun sentas li tiun mokon
mi legis nun kaj eĉ ne kredas
ke ĵus la samaj pedagogoj
agadis kontraŭ komunismo
mi pardonpetas ke mi tedas
en Marsejlo printempaj logoj
konscion mordas heroismo
Marsejlo, la 5an de marto 2013
Soneto laŭ strika vetero
ne venis obskura vetero
kiel aŭguris gazetaro
pluvis sed ne estis koŝmaro
inverse - milda atmosfero
okazas manifestacio
ĉar por homoj ne ĉio plaĉas
eĉ se politikistoj klaĉas
nur pri malpeza frustracio
strikas skiparoj de haveno
kaj vartolernejpersonelo
kun propra nutraĵentrepreno
sesdek tri milionoj kostis
la spegultegmento dum celo
de plilaborigado frostis
Marsejlo, la 5an de marto 2013
Soneto kulturdetermina
la triono de loĝantaro
en Marsejlo vivas sub normo
de ekzisto en tiu formo
kiu navigas al koŝmaro
oni scias ke malsatulo
fariĝas ofte agresiva
kaj en efekto recidiva
haltas lin neniu postulo
mizero videbla sur strato
kontrastas ĉiam kun sloganoj
plaŭdantaj je radiko "frato"
se skipon formas mizeruloj
tiam ŝipon stiras ne manoj
sed ventroj sen ankraj haltujoj
Marsejlo, la 6an de marto 2013
Soneto sen marsejla timo
ni tute ne havis okazon
pruvi ĉu kriminalenhavoj
de Jean-Claude Izzo estas pravoj
aŭ ĉu li prenis nur ekstazon
ankaŭ gazetaj artikoloj
kun avertoj pri banditismo
okazis nur iluziismo
ĉie estis afablaj skoloj
indiĝenoj ankaŭ avertis
"ne iru tien..." - sed ni estis
kredu - neniu nin molestis
Yann Letestu pentras por devo
studi pejzaĝon - flugas mevo
kriante "mi ĉion invertis"
Marsejlo, la 7an de marto 2013
Soneto kompatas virinojn
virinoj en tempo de krizo
portas ĝian pezan efekton
dum viroj nur montras afekton
revante pri dolĉa surprizo
en Marsejlo estas videblaj
danĝeraj virindependecoj
pro turpaj viraj voluptecoj
kiuj rezulte restas feblaj
ankaŭ en kelkaj religioj
virinoj estas nur aldonoj
al viroj tute sen admonoj
brutalaj ideologioj
virinajn rajtojn malrespektas
kaj Virinan Tagon neglektas
Marsejlo, la 8an de marto 2013
» Marsejlo - la ĉefurbo de eŭropa kulturo 2013
kun diversaj malkovroj
Soneto espera por daŭro
Marsejlo posedas raraĵojn
tamen mi ne pri ĉiuj skribis
ĉar mi ne velojn ofte gibis
sed "Les Acenaulx"-bongustaĵojn
du monatoj pasis rapide
por mia edzino Barbara
tiu tempo estis prepara
por nova sezono valide
Marsejlo vekos rememorojn
afableco de marsejlanoj
alplezurigis niajn korojn
de Françoise Sur la loĝejo
kun mirakloj pro uraganoj
estas tre komforta gastejo
Marsejlo, la 9an de marto 2013
DAŬRIGO EKESTOS
|