en miaj sonetoj densiĝas
konfliktoj de la tuta mondo
ŝvebas ankaŭ la paca rondo
sed ĝi tamen ne intensiĝas
esperantio senkonflikte
debatas pri siaj sukcesoj
nacionalismaj ekscesoj
restas pritraktataj restrikte
pro tio miaj socitemoj
en esperantismo perdiĝas
aŭ zorgas pri lingvaj dilemoj
en ideologiaj listoj
vivo ne ĉiam kvietiĝas
kiel volas esperantistoj
Zuriko, la 1-an de junio 2021
www.skorupski.com
design Kilu