por la nomtago de julio
mi prenis la vintran mantelon
traktante somerbagatelon
kiel veteranomalio
ni veturas al Sovaĝdomo
tie nuna temperaturo
ne pliboniĝos en futuro
ĉar prognoze agis fantomo
montaro atendas nin pluve
sed hotelo havas basenon
do ni utiligos ĝin pruve
tiel ni provos korpojn flegi
rigardante pluvozĝardenon
restos libertempo por legi
Zuriko, la 7-an de julio 2014
» Hieraŭ - ankoraŭ bonvetere
» Toggenburg
» Sonetcikloj
www.skorupski.com
design Kilu