Soneto pri filmo "Poŝtisto"
mi iras al kino tre rare 
sed tiun filmon mi ripetas 
ĉar ĝi mian koron frapetas 
kun ĉefheroo solidare 

Pablo Neruda en la fono 
malespere sin krucosignas 
sed de batalo ne rezignas 
agas laŭ komunista bono 

filmo trista sed koro ĝojas 
poŝtisto manifestacias 
dum lia sorto morte bojas 

tiu malŝulda naiveco 
eĉ poezie emocias 
dronante en vorta graveco
Zuriko, la 17an de februaro 1996