Soneto je memora fajro
je patra eterna ripozo 
datrevene al lia morto 
memore pri lia malforto 
ĉe torĉo staras ruĝa rozo 

mi parolas kun la spirito 
mi aŭdas lin de unu turo 
sur kiu nestiĝas vulturo
feliĉo fariĝas hezito 

li iam venis al Berlino 
kaj filon demandis pri vivo 
en iama tempokulmino 

mi ne volis esti germano 
li diris pri alternativo 
"estiĝu nepre svislandano"
Zuriko, la 16an de marto 1996