stipendion li ne plu havas
ĉar malrangas literaturo
IOn devas ŝpari kulturo
kaj blovaj orkestroj nun gravas

savado sur l' germana flanko
li tie ricevas premion
ĝuante aventur-manion
kritike li klaĉas pri banko

volonte rolas kombatanton
(li konas ja bone arestojn)
sed pli eĉ plej ofte amanton

verkisto jam perdis frekvencon
intencas ŝanĝante kuntekstojn
denove priskribi "Komencon"