Soneto pri noktbabiladoj
vesperaj tre longaj disputoj
serĉado de glatigaj temoj
nenio kreskas sen problemoj
laboro sed ne nur salutoj

"ĉifoje mi kontraŭbatalos"
"ili povas sin mem elekti"
"projekton projekte projekti"
"kaj kial ni kune ne falos"

konsilis ja analitiko
"ĉiam organizu laboron
sen malutila politiko"

"de disĵeteco al ŝparemo"
"minusa perdo plusas koron"
efektoj de vana sistemo
Zuriko, la 28an de majo 1997