Soneto antaŭvigilia
oni povis ĝui etoson 
ne nur de la blanka oblato 
sed kun avo gepatroj frato 
postmilite plugi ĥaoson 

nun tradicio jam forpasis 
ĉar brasiko premas hepaton 
mi preferas mildan salaton 
bieron mi delonge lasis 

iom da vino tre volonte 
sed anseron mi jam evitas 
vigilio pasas rakonte 

pri la menuoj respondecas 
Barbara - mi poste lavŝvitas 
kaj ni ambaŭ legi intencas
Zuriko, la 22an de decembro 1999