Soneto pri nobla malpuro
en iu ajn flanko vi iras 
vi ĉiam vidas malpuraĵojn 
kiuj detruas vidindaĵojn 
sed pri tio vi ne plu miras 

eĉ se vi uzas purigilon 
tuj poste vi povas konstati 
ke vi devas denove grati 
antaŭe puritan similon 

ne ĉio nepre devas brili 
malbono ofte estas ora 
purigo ĝin povas mutili 

tamen tro multe da moralo 
por vivo estas malfavora 
sendepende de idealo 
Bastiono de Silento, la 22an de junio 2000