min pikas iuj diabletoj 
por ke mi ne skribu entute 
kaj tio valoras dispute 
ĉar mizere vivas poetoj 

"skribu por vi ne por aliaj" 
sed tio ja estus trompego 
kaj ridegus ĉiu kolego 
pro ekzemploj anomaliaj 

en plano troviĝas elsendo 
pri polaj decembraj eventoj 
kaj nur por aliaj laŭ mendo 

mi parolis kun prominentoj 
taŭgaj por nostalgimomentoj 
sed devaluiĝis jam sentoj