Soneto pri freŝa printempo
nebulo agordas majeste 
pejzaĝo fariĝas kaŝejo 
nur fone malantaŭ herbejo 
ĥoĥoloj agadas moleste 

silento fortigas sekreton 
ĉu ŝvebas en densa vaporo 
feliĉo aŭ aĉa hororo 
surprizigante interpreton? 

humido tristigas aeron 
kaj spaco ŝajnas esti plora 
eĉ funebriganta la teron 

sed oni havas la esperon 
ke sorto okazos favora 
sunpuriganta atmosferon
Bastiono de Silento, la 20an de marto 2001