anomalitemperaturo 
februare sub varma suno 
mi kuŝas nuda por haŭtbruno 
okazas vintra aventuro 

la mondo spiras per varmego 
apud fenestro floras plantoj 
eĉ birdoj ĝoigas per kantoj 
kaj alvenas burda zumego 

al Bastiono de Silento 
mi devas nun nepre veturi 
ĉar estas por tio momento 

jam neuzebla estas burko 
tamen mi volas uverturi 
per vintra fablo de Moniuszko