mi baptas vin per spruĉa maro 
kaj per vento ĝis kvina grado 
la plej taŭga por navigado 
ĉe Grandaventura Altaro 

mi baptas vin per Norda Stelo 
por ke vi ligu vojaĝantojn 
servante velnavigajn kantojn 
ĝis kaj post atingo de celo 

mi baptas vin per Kruc' de Sudo 
por ke vi havu bonveteron 
ĉiujare kun vela ludo 

mi baptas vin per ĉiuj signoj 
se voj' gvidos vin en severon 
por ke ne logu vin rezignoj