Soneto kun popolpoeto
Miłosz estis popolpoeto 
mi ripetiĝas sed mi devas 
ĉar mi pro ridego eĉ krevas 
sed temas pri neniu veto 

pri de l' mortinto sarkofago 
disiĝas aĉa voĉtintado 
tiu perfida babilado 
estas de bigotoj reago 

mi ne defendas popolecon 
ĉar ĝi aspektas tro naive 
montrante ofte infanecon 

sed majesto de morto tuŝas 
ĉiujn ne agu agresive 
kiam kadavro tombe kuŝas 
Bastiono de Silento, la 8an de novembro 2004