Soneto pri la eta mondo
mia mondo ete aspektas 
sed ne tute ĉar la imago 
atingas fore per reago 
ĉion kio bone reflektas 

ne gravas kie mi troviĝas 
ĉar per manovro de la menso 
mi povas vagadi laŭ penso 
ĉiam denove mi estiĝas 

vojaĝoj helpas min percepti 
tion kion mi ne atingos 
mi emas maleblon akcepti 

sed iam se estos mi pigra 
tiam mi al laboro svingos 
por ke vivo ne estu nigra
Zuriko, la 28an de februaro 2004