Soneto pri grila rostado
ĉiu grilo verŝajne grilas 
kaj ni alilingve griladas  
rostas ion kaj babiladas 
trinkaĵoj en kalikoj brilas 

sed lasu ni tiun esprimon 
kiu nin povas erarigi 
ni volas rosti aŭ rostigi 
ankaŭ iom nian animon 

rostiĝu rostiĝu rostaĵo 
prestiĝu prestiĝu manĝaĵo 
formiĝu formiĝu lingvaĵo 

ion ajn ni dirus pri tio 
festiĝu nia ebenaĵo 
ni grilu pri rostadmanio 
Bastiono de Silento, la 3an de julio 2004