Soneto pri bruta futbalo
futbalo vekas naciismon 
en formo vilde primitiva
vulgara kaj tre agresiva 
tretanta brute humanismon 

malgraŭ tio mi dum du horoj 
rigardis matĉon en Turkio 
mondĉampionludo por Svisio 
nun svisoj en bonaj humoroj 

turkoj traktis ilin brutale 
invitante gastojn barbare 
en leĝa senco krimfatale 

pro tio eĉ mi volis vidi 
kanajlojn sentantajn amare 
ankaŭ ĝuste pro tio ridi
Zuriko, la 17an de novembro 2005