brilas dense "Supra Partero"
ŝokiĝis l' ĉefo pri grizeco
sed tuj respondis per spriteco
"efekt' de l' kolormiksa sfero"

l' doktoro pri arkitekturo
hobias per la historio
enuas pro vers-eŭforio
konanto de literaturo

ŝerce skribas felietonojn
pri dorsosakoj kaj naturo
ĉe vino ne aŭdas subtonojn

principojn li havas precizajn
(deven' de la svisa kulturo)
sed la opiniojn surprizajn