juĝita al mort' per aprezo
fraŭlino je sort' katenita
konfesis al kruc' mortigita
min benas son' de marseljezo

finiĝis jam revolucio
sed sango ŝanĝiĝas en vino
vi sciu batal-amantino
mond' vivas de mem-polucio

mi ŝatis tre francajn poemojn
romanojn kaj buntajn eseojn
sed vivo forpelis la temojn

kuraĝaj virinoj sen ĝeno
sincere proklamis ideojn
sed mankas al mi la kompreno