Zuriko festegis vilaĝe
sur placo parolis urbestro
ĉe trisaksofona orkestro
dancadis urbanoj kuraĝe

plej vigle balancis dum balo
la ido de Keller-parencoj
(li skribis pri pol-dekadencoj)
deveno gravas por moralo

mi havis eĉ sangon reĝ-anan
fatala malsano min kaptis
kaj nun mi posedas germanan

se mi ne plu estos jam reĝo
(min simple proleto adaptis)
bastarde mi sentos pri leĝo