Soneto pri la sonatino
venis la horo de nokturno 
Adam Harasiewicz ĝin ludas 
muzikon de Chopin mi studas 
aŭdante kanton de koturno 

mi ekskludis la receptorojn 
nur unu funkcias atente 
aŭdante imprese kaj sente 
rememorante polajn morojn 

en trankvileco sidas ĝuo 
de tempo al tempo moviĝas 
trairas de molo al bruo 

post rideto gluta salivo 
fluas dum mi emociiĝas 
eĉ vibras plafone solivo
Zuriko, la 15an de januaro 1996