Soneto je homaj dividoj
oni ne dividu homaron
ho ve al judoj kaj goj-idoj
al grafomanoj kaj Norvidoj
eĉ Dio vokas kontraŭstaron

kiu dividas naciecojn
je veraj poloj kaj malpoloj
je saĝaj kaj stultaj popoloj
tiu mem portas frenezecojn

katalog' tricentpozicia
sed kion li skribis - omaĝe
nur parolvorte kondicia

senĉese en opozicio
valoro provita damaĝe
superemeca tradicio
Zuriko, la 12an de aŭgusto 1997