ĝuste vintro en termometro
tiel vintre kiel somere 
ligas min varmo atmosfere 
kun tuta mondo de beletro 

mi maltordas kaloriferojn 
edzino ilin retordigas 
ĉar ili ŝin forte varmigas 
eĉ se mi kontrolas veterojn 

mi ŝatas varmegan banadon 
precipe je frosto kaj neĝo 
temperaturuman kaskadon 

mi trovas varmon ĉiam ĉie 
ankaŭ en preĝejo dum preĝo 
ĉar mi preĝas tute alie