Soneto pri ĝusta elekto
revenis mirakla vetero 
mi bruligis sanktan kandelon 
ĵetis preparitan mantelon 
kaj foriris al suna tero 

mi bezonis vojon elekti 
piede aŭ eble per ŝifo 
ĉiam laŭ la sama tarifo 
movon ni ne povis neglekti 

finfine mi komencis lavi 
tolaĵojn - ne mi sed maŝino 
kiu emis brue kartavi 

intertempe bibliotekon 
mi vizitis - estis fascino 
pri libro pritraktanta pekon 
Zuriko, la 26an de aŭgusto 1998