Soneto por kulturministro
Estimata Kulturministro 
mi estas "eksterlimsubjekto 
mastrumada" - vomad-efekto 
en via nobla administro 

mi tre multe skribis eĉ mire 
pro tio ni ja konatiĝis 
sed tamen ni ne ekamiĝis 
ĉar mi opinias delire 

konkrete temas pri afero 
ke mi estas preskaŭ krimulo 
en via burokrata sfero 

mi skribas antaŭ ĉio pole 
do mi ja ne estas fremdulo 
vi min pritraktas ne laŭvole
Zuriko, la 1an de februaro 1999