Soneto kun malnovurbeco
de militsufero ĝis pano 
bakita en hejma fornelo 
al svisia antaŭĉielo 
el ideologia bano 

mi trairis vojon kurbiĝan 
de pruda vilaĝmentaleco 
ĝis simila malnovurbeco 
havante aspekton negliĝan 

ĉu estas vere mia ŝuldo 
ke mi ne povus vivi fore 
de centre arĝa homa muldo 

mi devas loĝi malnovurbe 
kie ĉio kuras fervore 
eĉ se iomete perturbe  
Zuriko, la 21an de junio 1999