Soneto kun tortkandeletoj
en Bastiono de Silento tuj post meznokto kandeletoj brulis kaj mildaj sonoretoj flustradis portitaj per vento Barbara flamojn forblovigis kaj venis tempo por ĉampano laŭ kutimo "je ŝia sano" ĝis aŭroro nin endormigis en tiu ciklo de sonetoj aperas multaj naskiĝtagoj tio eĉ gvidas al obĵetoj sed vidu vivo portas devojn kaj sendepende de imagoj "do, ut des" donojn kaj ricevojn
Bastiono de Silento, la 17an de decembro 2000
