Soneto kun herbofalĉado
ĉe Bastiono de Silento 
okazas nun herbofalĉado 
tuj poste fojnotremigado 
ĝis seke rikolta momento 

"ŝanĝu nomon de Bastiono" 
diras Barbara pri ĝenado 
"al Bastiono de Bruado" 
certe estas ĝusta propono 

sed odoro de freŝa fojno 
rekompencas nin ĝenan bruon 
kiun ni disbatas per kojno 

maŝinoj baldaŭ malaperis 
ni ĝuis nian oportunon 
kviete ni ne plu koleris 
Bastiono de Silento, la 15an de majo 2002