Soneto pri kravatmakuloj
en miaj malnovaj kajeroj 
estas multaj naivaj revoj 
voloj mokoj promesoj devoj 
kaj nekredeblaj manieroj   

juneco ĉiam ribeliĝas 
tre ofte kontraŭ si mem vane 
sen pripensoj tute spontane 
tiuspece malrealiĝas 

mi skribis nokte ĝis mateno 
dum tagoj motivoj fortiĝis 
krepuske lumon donis keno 

farbaj makuloj sur kravato 
per novaj ideoj floriĝis 
bedaŭrinde sen rezultato
Zuriko, la 6an de februaro 2003