Soneto pri gazetforĵeto
maljuna sinjoro laciĝas 
portante rulojn de gazetoj 
dankante pro tiuj paketoj 
mi tamen iom konsterniĝas 

ne legante mi ilin metis 
al jam tralegita kolekto 
kaj tiel ekestis neglekto 
kelkfoje mi tion ripetis 

mia konscienco doloris 
sed nur kompate ne ridinde 
ĉar mi pri malmendo memoris 

mi ne volas legi pri tio 
ke en Irako bedaŭrinde 
tre kompromitiĝas Polio
Zuriko, la 30an de aprilo 2004