Soneto pri aliaj homoj
zorgo pri aliaj memvole 
malfortas kaj pri si mem fortas 
se iu nin helpon ne portas  
tiam ni tre doloras sole 

de aliaj ni pli postulas 
ol de si mem - pretendmotivon 
ni havas kaj eĉ agresivon 
korecon ni ofte simulas 

tamen homo ne povas vivi 
nur tutsolece sen aliaj 
oni devas sin kolektivi 

ne estas facila konkludo 
en dimensioj kolektivaj 
ofte regas perforta prudo
Bastiono de Silento, la 18an de oktobro 2005