Soneto pri ĝusta elekto
post vivsinuoj mi elektis 
verkadon pro malkosta stablo 
malgraŭ stomake brua fablo 
mi tiun fakon ne neglektis 

krajono gumo kaj skribilo 
ne sufiĉas por ion krei 
ĉar verkisto povas perei 
se regas pensa malutilo 

feliĉon li povas nur uzi 
por l' unua libroeldono 
poste devas moviĝi kono 

mi volis tre ofte rifuzi 
skribon ĉar certe ŝuflikistoj 
gajnas multe pli ol verkistoj 
Bastiono de Silento, la 27an de oktobro 2006